Waajahaan, Baanokaan !
Pakistan e zolm o estebdaad rouc pa rouc Balochaani
saraa geysh bayaan ent.
Pakistan e caarig warnaayaan dozzag barag ceyr dayag o shekanja (torture)
kanag va beygwaah kanag a ant. Pakistan e watsareyn dektaaturi
rezhim molki va nyaam ostomaani (baynul malali/international)
raah o rahband aani paaband nahent. Aahi e draaheyn bey rahbandeyn
kaar goun beyparwaai va mazansari (arrogance) o zouraansari a deymaa
rawaan ant.
Pakistan e watsareyn rezhim bey lagaam o tamardeyn haps e paymaa
mahluk a lapaashaan ent.
Ey draaheyn kaaraani kanag a rand ham Amrikaa o
Breytaaniyaa dastaan Musharraf e badd' a janag o aahi a shaabaashi
dayag a ant va aahi a harc paymeyn maali o selaahi komak kanag a
ant. Hannigaan Breytaaniyaa e sar wazir Waajah Tony Blair Pakistan a
aatk aahi a cont million
pound va selaah daat ant ke aahi e lashkar Talibaan e dast a janag
mabit. Balay yak cizzey maa dit ke Breytaaniyaa e shahzaadag Amir
Charles va Tony Blair e aayag a rand aahaani yak shahrwandey (citizen)
ke aahi e saraa yak Pakistani mardey e koshag e bohtaan at va aa ca
18 saal a zendaan at aazaat kanag o wati molk a deym dayag bit. Car
aahi a rand BBC e nomaayenda Delaawar khan Wazir Pakistani caarigaan
dozzet o bort mosht mokond' o shekanja kot balay goun BBC e baazeyn
jaak o salwaat va aahaani engreyz kaar master e wati sarwazir e
saraa zour per dayag a rand Waajah Delaawar Khan 30 saa't e bandigi
a rand aazaat bit.
Eshi e ma'naa eshent ke Baloch a posht neyst va aahi
e porsaane haal kas neyst baayed ent aahi e warnaa
Pakistan e caarigaani dast dozzag barag, shekanja va
beygwaah kanag bebayant wa maa bey twaar a benendeyn va sayl
becaareyn.
Mani goun shomaa dazbandi eshent ke shomaa Orupaa e draaheyn molkaan
wat maan wat a benendet pa Bretaaniyaa e sarwazir Waaja Tony Blair
e naam a kaagad nebeshta bekanet va wafd e surat a
borawet aahi e sefaarataan hamey kaagad a peysh
bekanet ke Pakistan e rezhim wati beyrahbandi a yala
bedant va dozzetag bortageyn warnaayaan yala bedant yaa ke aahaan
daadgaah a peysh bekant. Aga
aahaan mayaar o gonaahey hast aahi a saabet bekant.
Pakistan baayed ent hodaamorzigeyn Shaheed Nawab Akbar Khan Bugti e
cokk o nomaasagaani delsyaah o pareyshaan kanag (harassment) a dast
bekashit va aahi e bacc Nawabzaada Jamil e saraa drougeyn qaziyya (case)
add' makant.
Aga maa o shomaa beytawaar a benendeyn va sayl
becaareyn pakistan sheyrak bit va rouc pa rouc aahi
e zolm o estebdaad geysh bayaan bit.
Harcont zit ey kaar a dast bejanet behter ent. Maa hamey fekr
bekaneyn ke Pakistan e zaalemeyn caarigaani dast a may warnaayaani
shekanja e yak yak damaaney jahnnam e aas e tahaa aahaani socag e
baraabar ent.
Ameeri
Source: Balochi culture
20061124
--------------------------------------------------
Related links:
Treason case slapped on slain leader's son
Two Baloch leaders named in bomb blast case
because they
are planning to approach the International Court of Justice against
Islamabad's alleged violation of a 1947
agreement on merger of Balochistan province.
Case registered against Bugti grandson
Freezing of Bugti sisters’ accounts condemned |
