چـه ایران ءِ پلیتین شیعی زالم ءُ  زورا نسرین  حکومت  ءِ  اولی روچان   تهران ءِ جاهلین حکومتی ملایان کوشست کتگ تا ن  بلوچان وت مان  وت ءَ جنگ به دینت. 

اپسوزی گپ ایش انت که ایران ءِ بلوچ کشین شونیستان گون پلینڈی ءُ  ٹگی سیاستان      
ما را بے حساب مالی ءُ جانی تاوان داتگ. مان گوستگین ۲۹سالانی      ته ءَ سدانی سد بلوچ  وت مان وتیءُ دوارسوچین  جنگ ءُ مڑانی ته کشگ ءُ بیگواه بوتگ انت. آ بے گناهین ورنایانی زند ءِ هلاسی بزان آیانی موت، په تهران ءِ جناورین شونیستان سوب ءُ شادهی گپ بوتگنت ءُ په ما، په مئی مکهین مات ءُ  هاتونین  گهار ،اوپارکشوکین پت ءُ  مزارین برات هر  بلوچے ءِ مرک مزنین  تاوانے ءُ سوگی هالے انت.

ایران ءِ بلوچ دژمنین شونیستانی کا رهرابیان مان مئے گلزمین ءَ چه حد گوستگ. اے باروا هر چنت نبیسگ ءُ گوشگ  به بیت پدا هم کم انت. 

ما بلوچان باید انت که وت مان وتی کست کینگان په وتی کوم ءِ هاترا گار به کنین. ما را برات کشی ءُ وت مان وتی اڈ جنجالان بند کنگی انت.  ایران ءِ شونیستان گیشتر گل ءُ شادان مه کنین.. اے زالمین واکدارانی دور همش انت که مروچی باندات هلاس بیگ انت. ما کومے ءِ 
هساب ءَ وتی کوم وتی چک ءُ آیوکین نسلانی هاترا باید انت تپاک بئین

 ما را دگه هچ راه ءُ چارگے بید چه تپاکی ءَ جد ءُ جهد  نیست. اے رسترین شیعه ـ شونیستانی حکومت ءِ دیما ما را هور ءُ تپاک بیگ لوٹیت. اے زالمین پلینڈان په  وتی شومین سیاستانی عملی کنگ ءَ  هر دورے ءَ لهتین بلوچ

ریپینتگ ءُ په بلوچانی جنگ ءُ کشگ ءَ آیان وتی همراه کتگ. البت پدا همے 

وت هم تهران ءِ رستری کارکرد ءِ آماچ بیتگ انت، ایران ءِ چگلی اداره  بزان «اطلاعات» بازینے چه همے بد نسیبین ءُ رد وارتگین بلوچان گون رپک ءُپندل کشتگ ءُ بیگواه کتگ.
هما جاهلان که هنگت ءَ  په اے بلوچ دژمنین حکومت ءَ چگلی کننت ءُ وتی براتانی هلاپ ءَ گون

اطلاعات همکار انت ،  زانگ لوٹیت که اے زالمین حکومت گار ءُ گمسار بیت بلے بلوچ کوم 
ءُ بلوچستان تان ابد مان انت. تان دیر نه بیتگ اے جاهلی ءَ بل ایت ءُ  اطلاعات ءَ 
بسوچ ایت گون تهرانءِ ملایان.  تان کدین وتی کوم ءِ دژمنی ءَ کنیت ؟  تان کدین وتی چمان گون وتی دستان کور کنیت ؟ تان کدین وتی براتان وت کشیت ءُ تان کدین بے گناهین بلوچ     ورنایان په کوش دئیت ؟

 بس کنیت شما را بلوچ ءِ نام پر انت شما بلوچ ایت. دلجم بئیت که اے بلوچ دژمنین حکومت پرشت ءُ پروش بیت. بلوچ کوم ءُ بلوچستان ابد مان اَنت.