واجهین برات ءُ بانوکین گهاران!

ما هنون بلوچ ٹی ویے اولیگین آزمایشی برنامه مان فبروریے 22 تاریخ ءَ شنگ کت ءُ اے باز وشّی گپے که مئی اے پروگرام مان بازین جاهان چوش که شال (کویٹه) ، دزآپ (زاهدان) ، تربت ، کراچی ، گوادر، سرباز، چهبار، پهره (ایرانشهر) ءُ عرب امارات ءَ  گندگ بوت. ما شه درستین برات ءُ  گهاران که په ما ای میل اش دیم داتگ بازباز منت وارین ءُ  پهلی لوٹین که نتوانتگ این شما درستانی جواب ءَ  بده این بله بزانیت که ما باز دزگٹ این ءُ  په همیشا دل پروش مبیت ءُ  مدام په ما ای میل دیم بده ایت ءُ  ما را شه وتی سرءُ  سوجان زبهر مکن ایت.

شما عزیرین برات ءٌ  گهاران که مئے اے پروگرام ءَ  دیستگ زانیت که آیے کیفیت  شه تصویری لحاظ ءَ  باز شر نه ات که ما شه اـے بابت ءَ  پهلی لوٹین؛ بلے هما پیم که ما گوشت اے برنامه یک آزمایشی برنامه ایت ءُ  مئی امیت ایش انت که شما " بلوچ کوم" ما را کمک ءُ  مدت بکن ایت تان ما اے اولیگین بلوچی ساٹلیت ٹی وی ءَ  په شما عزیران پربارتر ءُ  روچ په روچ شرتر شنـگ ءُ  تالان بکن این. هما پیم که مان چارمی جارءَ  بلوچ زانت کار ءُ  کدیمی جهدکار واجه "امیری" شه درستین بلوچان لوٹتگـــت پدا ما آیان تکرار کنین ءُ  گوشین که مارا بلوچی فیلم ،موزیک، عکس، اخبار ءُ  سر ءُ  سوج پکارانت تان که ما بتوانین بلوچ ٹــی وی ءَ  زندگ بدارین.

پلین سنگتان!

مارا یک انترنتی سایتے پکارانت تان ما بتوانین وتی شنگ کرتگین پروگرامان ءَ  اودان ایر بکن این تان شما عزیران بتوانیت آیان هروهد که لوٹیت بگندایت. مارا تکنیکی کمک پکارانت. ما شه درستین برات ءُ  گهاران ، که ایے کاران بلدایت دست بندی کنین که مارا اے باروا مدت بکن ایت. مارا امیت انت که بتوانین همے زوتان یک تلفنے په شما عزیرانی کنتاکتے واستا اعلان بکنین بلے تان آ وهد ءَ  شما توانیت وتی سرءُ  سوجان ءَ  گون مئی ای میل ءَ  په ما روان بکن ایت. آخرءَ  شه شما عزیران دزبندی کنین که مئی دومی پروگرام ءَ  که جمعه ءَ  برابر گون 29 فبروری ءَ  شنگ ءَ  بیت، جهلگین ساٹلیتانی سرءَ بچارایت:

 watch Baloch TV online
www.gunaz.tv