بلوچستانءِ دريا (زِر)ه
بلوچے ڈيه منى سر سبز ؤ آباد تيى آب ؤ تياب ؤ زِر منى ياد
تيى ھولان تيى چولان منى دوست منى لج ؤمنى ننگ ؤ منى اوست
تيى لوجر تيى کاشوک تيى شير تيى گور ؤ تيى سارم ؤ تيى کِر
تيى جينگءَ تيى آ شاه ميگو درستين ھرچه ھست ؤنيست نيکو
بلوچے راز ھزاران سالنت گوں تو بلوچے درد بلوچے پھرھم گوں تو
ھمى دريا بلوچے ھست ؤ نيستن پما ھولان ؤ چولان ھم بھشتن
زھير زُرتگ منا ھُب ءِ بلوچى روان دريا دلے شودان مروچى
بلے اپسوز ؤ ارمانت منءَ باز ھما سلين بدان گوں جاک ؤ آواز
گوپوج ؤلانچ ؤ ھور گوں جھازان لگت مالِش کتگ ميى زِر گوں سازان
بلوچے درد ؤ رنجنت اجنيبيان زِرش گِپتگ بلوچے اے نانجيبان
کُتگ شومين بدان ھم جاه ؤبنجاه پليت اش کُرت زمين دريا ھما ماه
بلوچے کھر ؤ ھّکلءَ نگندنت گجر ؤ پنجابى ءِ وابءَ نسندنت
آ پنجابى گوں آ جنرال ؤ پوجى بکُرتين کَپ ؤچنڈ موجى په موجى
به گپتين آ گجر ملا گوں جولا ھما جاھا جتين ھولاں په ھولا
چيا چھبارءِ نام اش کرت"بھشتى" گجر بى جست ؤپرسءَنامى ھشتى
بلوچءِ حَک ؤلوٹ اِش چو تبه کُرت لَگَت مال کُرت وتى ديمش سيه کُرت
بلوچ ءِ عزت ؤشأن ءِ سوالنت چو وار ؤ بزگين , ميى روچ ؤحالنت
گجر روچى په دزى بِرتء جاشکءَ دگه روچى په وت بُرت گمبدانءَ
نمنتگ په بلوچى پور ؤ عزت که دريا گِپتگ ؤ ديه ءَ گجر وت
که کم کم در کننت راج ءَ بلوچى مَبيت گيشتِر بلوچى روچ په روچى
بچارچھبار بچار پُزم ؤ بريس ءَ بچار گالک بچار گوادر ؤ پسابندر وتيسءَ
ھما حالِنت مثالءِِ جاشک ؤ ميناب نَکَپتگ پشت بلوچىءِ جاه ؤ بنجاه
بيا حَمّل پدا عھدے ببند ين به تاچنين ھمى دزدانءَ زنڈين
گرين دريا بلوچءِ تيس ؤچھبار ھما گوادر بلوچءِ نام ؤ پجار
بگوش کوران دلت پُرين مروچى اميت کن جار بجن گوں ھر بلوچى
که يک روچى ببين آزات چه اىدرد اگر بزانتن وتى ھر کار ء ھر مرد
کوران دامنى ۷-۱-۸۶
Posted>20070329
-----------------------------------------------------------------------------------------------------------------------------------------------------------
چند مقاله و نوشته ديگر از کوران دامني
بلوچى بودنم جرم است کوران دامني
بلوچ اسرائيلي/ ايراني و اسرائيل/بلوچ و مرگ بر اسرائيل طنزي از کوران د امنى
ننگتان باد کوران د امنى
يا ھدا تو به/حقيقتي غيرخودي اما طنز آميز
نامه اي آکنده از محبت به کارکنان راديو بلوچي اف ام