بلوچستانى مزنين کَھر

 

سال دوھزارءُ ھپت انت نوں

کھرے که کَپتَگ ماه جوں

کھرگونوے نا مے سرا

کُرتَگ تباه ميٸ مرزءُ بوم

نے ھِشتگى باغءُ چمن

پَشت ھم نکپتگ ڈوک ءُ ڈن

بازينے برتگ بے کفن

بازين سرے ھم بے بدن

يک نيمگے توپان ءُ گوات

مردءُ جنين بازينے بارت

يک نيمگے آ ھورءُ کور

چوک ءُ زدگ ھم گارى دات

بازينے مال ءُ ھستيان

آپ بُرتگنت زور دستيان

آپ لوگے توکءَ اتکگ ات

بازينے گوں وت برتگ ات

باز مردمے گار بوتگ انت

بازينے محتاج گشتگ انت

بازينے بے لوگءُ دوار

بے آپءُ نانءَ بوتگ انت

بازينے چوکءُ چوريان

درستان گوں ھَلک ھوريان

ماتءُ پِتءَ گارداتگ انت

دروھد سَک ءُ سوريان

ميشءُپس گورم په گور

آپ بُرتگنت ھشتِرگوں ھَر

ھر نيمگى زارءُ زوال

ھرچى کُتگ ھارءُ ھوار

بازينے گشتگ ھم چه سار

بازينے گشتگ وارءُ گار

بازينے کرتگ واه ءُ زار

بازينے کُشت بيماريان

بازينے ھم اجباريان

بازينے ھم بے آپ ءُ نان

گوازينتگ انت روچ ءُ شپان

بازينے کُشتگ لاپ رِچءَ

بازينے کُشتگ دِل رِچءَ

بازينے کُشتگ مارءُ زوم

زخمءُ زَدگ باز رِتکے حون

لولُُک مه ھر گور کپتگ ات

مُلکءَ مَدَگ ھم گِپتگ ات

حُرما درو پوں بوتگ ات

کِشتءُ کِشارآُب بُرتگ ات

مَھلوک گوں گُژنءَ نِشتگ ات

چه زندگى سرگوستگ ات

بازينے بوت بيمارءُکور

بازينے ھم گوںدردءُ دور

ھرروچ تا يک ماھے سرا

اے دردءُ دوراں ھر برا

مان گشتگ انت توکءُدرا

کُرت ميٸ وطن چيرءُ سرا

ھرجاه که کوهءُ کَنڈِگَ ات

مردم ھموداں تتکگ ات

بى آپ ءُتوشگ ھر گورا

مھلوک وتى ساه داشتگ ات

پروشتگ درستين سدءُ بند

بند پروشتگ ات سربازى ھَند

کرتگ تباه مھَلوک ءُ ملک

روچى دگرماشکيدے بند

وايى په تو اے گلزمين

ميرين بلوچى سرزمين

 پريات ءَ کۓ گونءَ کنين

حالان تيٸ اندوھگين

چه کۓ کُمک نوں ما گرين

ياں چه وتيگ ياں چه درين؟

نوں اے کجاينت اجنبى؟

قبضه کُتگ ملکءَ ميٸ

سندنت ورنت جانءَ ميٸ

 گوں زورءَ ٹوپءُ ٹانک وتى

بالى گراباں ضربتى ؟

آ مُرتگ انت اے وھد وتى

گِندگ نَبَنت نوں ھجبرى

ھم چِرکياں مَشرکى

ھم لڑکياں مَغربى

او مۓ بلوچان بَزگين

حيرانءُ گريوان  تَرگين

به گِندِت اى مُلکے اجنبى

ميٸ مِلکءُ ميراث بُرتگين

کسے په ما پرواه نَه کُرت

ميٸ حالتان چَارِگ نه کُرت

چه زرءُ مالان بُرتگين

کارے نه کُرتش سرجمين

چه اجنبيان ھچ کُجام

کارے نه کُرت په ما مدام

نوں ما ھمے زانين ءُ بس

نيست انت اِشان پرواه په کس

اِے اجنبى چه مَشرِک ءَ

آ اجنبى چه مغرب ءَ

ھر دو ھمے ھم گوشتگ انت

راھاں حرابءُ پروشتگ انت

نيمون کُتگ بازين برى

بالى گُراب ھم گارت انت

اے ڈنى ءُ اے اجنبى

لوٹنت بلوچى ھچ مه بى

آ چيزکه آ لوٹنت فقط

اے گلزمين ءَ ميٸ وتى

اے درد که کوران گوشتگ انت

آ وا چه دورھشکُتگ انت

وايى پَر آ ميٸ کوم ءُ برات

که دردانى گوں ھور بوتگ انت

 

کوران دامنى  جولاى ۲۰۰۷

--------------------------------------------------------------------------------------------------------------------

چند مقاله و نوشته ديگر از کوران دامني

^{دوتءُ دنگلان}                         

اي مادرم , مادر وطن

ما تا چه حد بلوچ وبلوچستان خود را دوست داريم؟!

^{وطن يکى بلوچستان}

 چراسرزمينم بلوچستان ؟!!

قاچاقچى مادرزادى

بلوچستانءِ دريا (زِر)      شعر / کوران دامني

 درياي بلوچستان                         شعري زيبا از کوران دامني

پھره منى پھراِنت منى

^{چراگاه مشترک و اجبارى}

^{بلوچى بودنم جرم است}            کوران دامني

   کشورى بنام سرادان

^{بلوچ اسرائيلي/ ايراني و اسرائيل/بلوچ و مرگ بر اسرائيل   طنزي از  کوران  د امنى}

 ايرانى  که  تھران  است                    

^{ننگتان باد           کوران  د امنى}

^{يا  ھدا  تو به/}ح^{قيقتي غيرخودي اما طنز آميز} 

بيا  گرين وتا  جُستے   

نامه اي آکنده از محبت به کارکنان راديو بلوچي اف ام