پادا
بلوچ پادا
بلوچ
وھدے که گِندے ظلمءُ زور
وھدے که کَشۓ دَردءُ دٶر
اے کارءُ کِرداں روچ په روچ
پادا بلوچ پادا بلوچ
وھدے که تيٸ زھگ گُژنگ انت
وھدے که بيمار نَژگ انت
ھر وھد مدام ھم شپءُ روچ
پادا بلوچ پادا بلوچ
وھدے تيٸ مُلکءَ برانت
وھدے تَرا جَنتءُ پُل انت
پادا ءُ اے ظلمءَ به سوچ
پادا بلوچ پادا بلوچ
وھدے نفس گيراِت کن انت
وھدے ترا زنجير کن انت
راھے دگر نيست اٶ بلوچ
پادا بلوچ پادا بلوچ
وھدے تيٸ عزّت گِرانت
وھدے تيٸ مِحنَت بر انت
نوں سار بکن ميرين بلوچ
پادا بلوچ پادا بلوچ
وھدے که گِندے اجنبى
دُزانت بَرانت مالءَ تيٸ
تا کَد کنے اٶپار بلوچ
پادا بلوچ پادا بلوچ
وھدے ترا بيکار کن انت
وھدے ترا معتاد کن انت
نوں بس نَھِنت ھنگت بلوچ
پادا بلوچ پادا بلوچ
وھدے که برات پاھو دَيَنت
وھدے گوھار زارء جَننَت
پادا ءُ کوکار کن بلوچ
پادا بلوچ پادا بلوچ
وھدے تيٸ دست بُرگ انت
وھدے تيٸ پاد گُڈگ انت
نوں نِشتگ ءُ چارے بلوچ
پادا بلوچ پادا بلوچ
وھدے که ماتاں نالَگ انت
وھدے که دنيا چارگ انت
واۓ په تو ميريں بلوچ
پادا بلوچ پادا بلوچ
وھدے که ھَنگت روشن انت
وھدے ترا سارءَ سَر انت
نوںوت بچار اے ماهءُ روچ
پادا بلوچ پادا بلوچ
وھدے که ھنگت زندگۓ
ظلمءَ په چماں گندگۓ
بيا دشمنۓ کَبرا به کٶچ
پادا بلوچ پادا بلوچ
وھدے که دِل جٶشءَ جن انت
کوران تيٸ ھوشءَ بر انت
پِريات بکن گٶں ھر بلوچ
که پادا بلوچ پادا بلوچ
کوران دامنى
۸ فبرورى ۲۰۰۸
