پاھو=اعدام

 

مروچى دگر روچى پدا

ھرروچ مه چھار راھے سرا

اِى ميٸ جوانءُ نوجوان

پاھوديگ بنت ھر برا

ياں يکدگر روچى ردءَ

مردم په سيلے چارگءَ

ھنچو گوشے نيست انت اِداں

شرتِرچه پاھوے گِندگءَ

سيل چار دروسيل چارگ انت

دروستانى چم بُرز داشتگ انت

صلواتءُ جاکءَ کُرتگ انت

آ مرد که  بُرزا درھتگ انت

دست بستگءُ پاد بستگ انت

سادِش مه گُٹِ ءَ داتگ انت

گوں گلزمين ءُ ملک وتى

عھدءُ وفاياں کُرتگ انت

ھنگت نزاناں من چيا

اِى گلزمينے دوستيا

چينکس جوان ءُ نوجوان

آوانى پاھو بيت سزا

من وا ھمى حيرانء باں

حيراں وتا جُستى گراں

اِى ميٸ بلوچين مردماں

پيم بوتگ انت په پاھواں؟

پرچى وتى مُلکے تھا؟

کشتارء بنت چو په رِِدا؟

اِى ڈنى ءُ اِى اجنبى

پرچى کُتگ ملکءَ تباه ؟

اِى ميٸ بلوچستان وتى

ميٸ ھستءُ نيستءُزندگى

ملک ءُ تيابءُ ڈنءُ ڈوک

دروستان ءَ برتگ اجنبى

رند ءَ  پدا ھم  بندگى؟

پاھو ببين گوں اجنبى؟

ھرکس حبر آزاتىءِ

گوانکءُ توارآبادىءِ

پرياتءُ آه ءَ برز بکن

لوٹءَ وتى معلوم بکن

اِى اجنبى ءُ بيگانگان

 دشمن چه لوگءَ در بکن

آ ھم  جوابى پاھوانت

پاھو بلوچے گارى انت

اِى جاه که مردم درنجگ انت

سيل چارءُ آ دگرچارگ انت

روچى وتش ھم ھنچوبنت

گوں اجنبى ءَ جنگءَ بنت

کوران نزانى تو ھنگت

اِى چار حبر که کُرتگ اِت

سر پاھوے راه داتگ ات

گُٹ ءَ مه سادءَ داتگ اَِت

نوں ھروھد ھمى فکراں کناں

من وا رواں روچى چِداں

من چى کتگ په ميٸ وطن؟

بچوں منا چوں ياد کن؟

پِِس چى کتگ پيروک چه کار؟

من چى کنان نُواسَگ چه کار؟

تا گلزمين آزات ببيت

يک روچے ھم آباد ببيت

ملکءَ مَبيت ھِچ اجنبى

پاھو کنوک ھم گار ببيت

 

کوران دامنى

اوت ۲۰۰۷

Posted:20070807

--------------------------------------------------------------------------------------------------------------------

چند مقاله و نوشته ديگر از کوران دامني

^{مُردَگ پرستين کوم}     

^{سَنگتانى مَجلِس} 

^{نا تپاکى} 

^{دوتءُ دنگلان}  

اي مادرم , مادر وطن

ما تا چه حد بلوچ وبلوچستان خود را دوست داريم؟!

^{وطن يکى بلوچستان}

 چراسرزمينم بلوچستان ؟!!

قاچاقچى مادرزادى

بلوچستانءِ دريا (زِر)      شعر / کوران دامني

 درياي بلوچستان                         شعري زيبا از کوران دامني

پھره منى پھراِنت منى

^{چراگاه مشترک و اجبارى}

^{بلوچى بودنم جرم است}            کوران دامني

   کشورى بنام سرادان

^{بلوچ اسرائيلي/ ايراني و اسرائيل/بلوچ و مرگ بر اسرائيل   طنزي از  کوران  د امنى}

 ايرانى  که  تھران  است                    

^{ننگتان باد           کوران  د امنى}

^{يا  ھدا  تو به/}ح^{قيقتي غيرخودي اما طنز آميز} 

بيا  گرين وتا  جُستے   

نامه اي آکنده از محبت به کارکنان راديو بلوچي اف ام