گرين بيا وتا جُستے

بيا وتا جُستے گرين

بيا گرين دستان گوھم ھور کنين چونڈاں وتى توچه پاکستان ٶ اوگانء بيار من ھم چه ايرانء وتى

پر چيا سے ملکا بھرين ٶصدانى شنگ ٶ شانگ که اے دشمنانى کار ٶ کردنت ھنگتء نھلنت وتى

ھر کجام ملکے خليجى در پدر گرديت بلوچ بيا بچارملک عرب بحرين ٶعجمان تا که عمانء وتى

ھنچوشين بازين بلوچ نشتگ مه ملک آفريقى گند ٶ نند ٶ جست ٶ پرسنت تا ببيت ملکى وتى

باز بلوچ نشتگ په باھوٹى مه ملک ترکمن آ ھم گوازينتگ وتى عمرے که بگنديت ملک وتى

با ز بلوچ شنگ ٶ درانڈيھنت مه ملک يروپ ء بازے ھم گشتگ چه دود ٶ رسم ٶ راھانء وتى

لھتے ھم مه انديا ٶ امريکا ٶ ملک اسکاندينا ويا اے په يک رسمے دگرراھے دگرکاينت ٶچارنت ڈيه وتى

اے چونين ظلم ٶ زواليت بر سر چوکان ما چو که اے ھچ ء نزاننت ٶ نديستگ چه بلوچستان وتى

بيا و تا جُستے گرين تا کد درانڈ يھ بيت بلوچ راه ٶ رھبند ے بيا رين تا کنين آذات بلوچستان وتى

نوں کتين فکرٶحيالى راه ٶچاره چون بين يکجاه پدا تا گرين دريا بلوچے تيس ٶ چابھار تا ھما گوادر وتى

اڈ کتين ملکء په براھين کوچگ ٶ کرٶ گوران جه بنند بين ملک ٶ ميتگ نو بزوين شيرنين لبزء وتى

بيا پدا پيداگ کنين چا کر ٶ گوھرام ء يلين شرط ھميشنت که پدا جنگے ندارين گون وت ٶوت مه وتى

طاقت ٶ فکران وتى يکجاه کتين په ھوش ٶ سار ھنچوشين فوجے کتين اڈ کوه ٶدشتان تا بداريت ملک وتى

بيا گرين دستان گو ھم ھور کنين چونڈان وتى تو چه پا کستان ٶ اوگان ء بيار من ھم چه ايرانء وتى

2007-2-2 کوران دامنى

Posted: 20070203

________________________________________________________