پادا وطن پِریات کَنت
بازنوجوان جُست کُرتگ انت
اى میل وتى راه دا تگ انت
ھروھدھمے جُستءَ گِرانت
پرچى بلوچ ایرانى انت
اٶ بچ منى , چى بگوشاں
نوں چه کُجا بُنگیج کناں
راجدپترءَ تاکء جناں
گریواں ءُ زارانء گوشاں
گپے گوشان بَچان وتى
آ که نزان انت ھنگتى
چى کرتگ انت دشمن میٸ
گوں کومءُ راجءَ مٸ وتى
ھشتاد سالءَ پیسراں
شومین بدانءُ رستراں
اے گلزمینءُ سیم سراں
ونڈ ونڈ کُتگ اے ظالماں
سے بھرکُتگ اے جانیاں
مشرق گوں پاکستانیاں
مغرب شُتگ گوں پارسیاں
چنڈے دِگر اوگانیاں
کِسه چوش انت اٶبَچ منى
چو که کتاب ءُ دپترى
تاریخءُ راجدپترگوشیت
یا پیروکاں گوشتگ میٸ
ھست ات یک ملکے پارس په نام
انگریزاں ھست ات یک گُلام
نامى رضا خاں بوتگ ات
جنگءُ مِڈات ھروھد مدام
انگریزءِ حکماںءِ سرا
بوت ملک پارسءِ مسترا
یک ءُ دوسال بازینى کُشت
ھرکونڈءُ شھرءُ ھر گورا
چوکه گوشیت راجدپترا
میٸ گلزمینءِ ھاتِرا
ھرحاکُمى چه ملکءِ پارس
په لوٹگ ءُ مالءِ سرا
میى سرزمین قبضه کُتگ
کٶمِش میٸ بَزگ کُتگ
پیرءُ جوانش جمع کُتگ
درمُلک پارس اش بندکُتگ
بازیں برے چوک چیں کُتگ
ماتءُ پِت اش غمگیں کُتگ
گوں حونءُ حون ریچاں میٸ
اے گلزمین رنگیں کتگ
گوں ملکءپارسءِ ظلمءُ زور
یک بر
پدا گوں دردءُ دٶر
کومءِ بلوچ گوں کُرد ءُ لُر
کُرتگ عرب گوں ترک ھور
ھشتاد سال ءَ دیمتِرا
په لوٹءُ مارءِ ھاتِرا
ایرانءِنامِش زُرت په وت
پارس ھم بدل بوت یکبرا
ایران مه ھِچ راجدپترى
ملکے نبوتگ ھجبرى
اے پنڈلے که سَازِتَگ
اے پارسیاں په وتسرى
گوں
ظُلمءُ زورءِپارسیان
تُرکءُ بلوچءُ کُردیاں
مجبورکُتگ یادبِگِرانت
رسمءُ رواجءِ پارسیاں
که پارسى نویس پارسى بواں
کُرد عرب تُرک ءُ بلوچ
پارسى بِجں گپءُ بیاں
که دیما برٶت پارسى زباں
بِل که بلوچى بیت زیاں
گوں ٹوپ ءُ ٹانکءُ ظلمتاں
دروگین اصول ءُ سُنتاں
ما را گٶشنت ایرانٸ ین
چى بگوشین چه کُنتاں
او میٸ جوانءُ سر مچار
نوں آتکگیں کرنءَ بچار
دٶر وا شمے گِنت بى شمار
پادا بکن گوانگ ءُ توار
اِے کوهءُ دشت دُریں تیاب
اِے سِنگ ءُ حاک پُلیں گیاب
اِے چَمَگءُ شھجوىءُ آب
درُستاں شمے گنت بى حساب
پادا وطن پِریات کنت
پریات
ءُ نالگ بازء کنت
چه دشمنانءِ ظلمءُ زور
آزاتى ءِ کوکارء کنت
ھشتاد سال گون پارسیاں
شصت سال گوں پنجاپیاں
ماتیں وطن در جیلءُ بند
ھردیم بِچار زوراکیاں
کوران گوں دوستءُ سنگتاں
در کپ درآ چه خلوتاں
تا کد
چه دورگپءُ حبر
تا کد گوں تُرسءُ کُنَتان
یکجاه ببین یکجاھىءَ
دشمن کنیں بى گواھىءَ
آزات کنین ملکءَ وتى
گون علمءُگوں ھمراھىءَ
کوران دامنى
دى ماه ۱۳۸۶
