وطن يکى بلوچستان                                         

بلوچستان ھما جاه انت, بلوچے ڈيه ءُ بُنجاه انت

ھزران سال ,ھزاران روچ,ھزاران گوستگين ماه انت

مه اِے تاريخءُ را جدپتر,ميى کومے مثال بوتگ 

مُدام ظلم ءُ مُدام زور ءُ مُدام زنجير ءُ زاربوتگ

نديستگ شرترين روچى مه ھيچ ماھى مه ھيچ سالى

گوشےھِجبَرنبوتگ شادھين روچى په يک رسمىءُيک راھى

فقط  تاريپ  توصيف انت ھما پھر ءُ  بٹاکانى                      

په وت کُشين براتان , زيادھين سلوات ءُ جاکانى                  

 بَرے گوھرامءُ ميرلاشارکه زورانِت جنگ ءُ چوپان ءَ           

بَرے چاکر بَرے گرگيج بَرے رِِندان  گوں  ھوتان ءَ              

 بَرے بالاچ  کُشيت  بيبگر په بيڑ گيرى بِراتيگاں                   

گريت بيڑ ءُ کُشيت ھنچين دگر بازين  زياتيگاں                     

بَرے ميرکمبرءُ  ميرشھسوا ربِنت ءُ  دھانيگان

ھما  مِھرابے  جنگ ءُ  دِزَکے گنجين دَرانيگان                      

ھمى کِسه برات کُشين, ھمى پيم دراجِءُدراج کش انت

نبوتگ کومءَھيچ سوتى, پھميشکانوں چوشءَ پشت انت         

بلے نوں آ شُت انت ,گوں وت ھما کرنان ھما سالان                

 مروچى نون دگرروچى دگر لوٹى دگرگالءُ دگرگالان            

مروچى روچ ھما روچ انت, که درد ميى ناتپاکى انت             

نَچارين  شر وتى دردان  وتى  لوٹاں  کجامي  انت

چوشِنگ شِنگين مه ده گَل ءُ مه ده تنظيمءُ ده ھوربند

که ھريکے وتى راه ءُ وتى لوٹ ءُ وتى جاک ءُ وتى رھبند

بلے بس انت نوں بيلان ءُ براتان بيا بِِبِت ھور ءَ                  

گوبراتى دوستىءُ ھوربندءُ"يک گلى"کَنِ ات جوڈءَ

وتى وس ءُ وتى واک ءُ وتى پکر ءُ حيالانءَ

کُتين يکجاه په رَکِينَگ وتى کومے سوالانءَ        

وطن يکى, گِريوگ زارجَنَگ يکى, ِمِرَگ يکى, رَوَگ يکى

وطن يکى,زبان يکى ,ھما لوٹءُ ھماکوکارءُ گوانک يکى

وطن يکى,حَبريکى ,بلوچے دردءُ رنج ءُ مِحنتان يکى 

وطن يکى ,ھمى دوچ ءُھمى پوشاک چوميى لبزانک دُرو يکى

چيا  وارين , چيا بارين , چيا ظلم انت, چيا  زنجير

نَھِينت ميى حَک, بِبين چُنڈ چُنڈ ,نَگوشتگ چو پماتقدير

ھمى تقدير,ھمى زنجير , کيا گوشتگ, نبيت تبديل ؟

په تبديلے کَنَگ تقدير, ببين يکجاه , کَنين  تدبير

مَه گوش کوران نزانے تو, ميى مَسِتر وتءَ  زان انت

تيى  پيمين  چوشين  بازانت, حبر کُرتَگ, عمل مان انت

کوران دامنى ۸۶-۲-۱۳

 Posted>20070504

--------------------------------------------------------------------------------------------------------------------

چند مقاله و نوشته ديگر از کوران دامني

 چراسرزمينم بلوچستان ؟!!

قاچاقچى مادرزادى

بلوچستانءِ دريا (زِر)      شعر / کوران دامني

 درياي بلوچستان                         شعري زيبا از کوران دامني

پھره منى پھراِنت منى

^{چراگاه مشترک و اجبارى}

^{بلوچى بودنم جرم است}            کوران دامني

   کشورى بنام سرادان

^{بلوچ اسرائيلي/ ايراني و اسرائيل/بلوچ و مرگ بر اسرائيل   طنزي از  کوران  د امنى}

 ايرانى  که  تھران  است                    

^{ننگتان باد           کوران  د امنى}

^{يا  ھدا  تو به/}ح^{قيقتي غيرخودي اما طنز آميز} 

بيا  گرين وتا  جُستے   

نامه اي آکنده از محبت به کارکنان راديو بلوچي اف ام