واجه ھدا
واجه ھدا واجه ھدا
ما که نگندين ھچ ترا
واجه ھدا نوں گوش بدار
جُستءَ کنين ما بارءُ بار
پرچے بلوچ اِنت گارءُ وار
ما ھم اگر تي اوّمتين
پرچے چو,سک ما بے وسين
بے وس چۀ درستين رحمتان
ھر چى که کَشين زحمتان
پرچى په تۓ ذکرءُ دعا
پريات ءُ نالگ ھم گوں آه
عربى زبانءَ ھيل کنين
اے ميٸ زبانءَ داتگين
چونينت اگر کارمرز کنين
نوں که ترا دوستت عرب
تو ھم کتين ما را عرب
اے نوں زبانءَ داتگين
گالوار بلوچى سادگين
تو که نسمجے چوں کنين
ما را نداتگ صاتءُ ضات
ما وا نزانين عينءُ غين
ح حُطى قاف لينءُ دين
ما وا کنين آ ٹ ےءُ ڈے
اے وا تيٸ سمجا نيے
نوں تو بگوش ما چوں کنين
پريات وتى گوں کے کنين
مارا په وت لوگى نبوت
بله لوگءَ تيٸ شر اڈ کنين
اے تۓ مسيت ءُ مسجدان
قصرنت په گندگ ءَ مُدام
واجه ھدا تو يک يۓ
ملا گوشيت ھر وھد مُدام
نے که شريکے ھست ترا
حيران ءَ باں من ھربرا
اينچو دوار گوں گمبداں
په يک نفر بوتين مدام؟
ھر جاه گريب ءُ بزگينت
بى آپ ءُ نانءَ تَرگينت
اودان تيٸ مسجد زيات
الم ھدا وت گِند گنت
توگندگے حالان ميٸ
پريات ءُ زاريان ميٸ
طاقت چه درستيناں تيٸ
گيشينت ءُ زانين اّلمى
ملک ميٸ بلوچستان ميٸ
موجءَ کنننت دشمن ميٸ
گِپتگ ميٸ ملکءَ په زور
اے ھم تو زانے وت ضرور
ما ھم ھمے پريات کنين
دستبندى ءُ زارءَ جنين
لوگءَ تيٸ مسجد تيٸ
شرتر کنين اڈ چه وتى
نوں يکبرے واجه ھدا
رحمے بکن وش مۓ سرا
اے دشمناں وا کافرنت
ملا گوشيتين ھر برا
مارا قبولنت صد برا
اےکافران گُمساربکن
ملکءَ ميٸ آزات بکن
اے ميٸ بلوچان بزگين
درستان وزيرءُ شاه بکن
بس تو ھمے يکين بکن
کارانءَ تو سکين بکن
دعا ماھمےھروھد کنين
کوکارءُ صلواتءَ کنين
اپسوزنگندين ھچ وڑيں
کارے ببيت په ما حوبين
واجه ھدايا کُرتگين
بنديگ وا پيسر بوتگين
بنديگ ھدايے ھر برا
پنجاپى ءُ گجر پدا
نوں که نگندان ھچ وڑاں
واجه ھدايۓ کار پداں
اے گريوگءُ اے زاريان
کسءَ نھِشکُنت ھچبراں
کورانءَ تو حيران کُتگ
حيران ءُ سرگردان کُتگ
کولے بلوچى ما کُتگ
چه توبه ھاں توبه کتگ
کوران دامنى تير ۱۳۸۶
Posted:20070721
--------------------------------------------------------------------------------------------------------------------
چند مقاله و نوشته ديگر از کوران دامني
نا تپاکى
دوتءُ دنگلان
اي مادرم ,
مادر وطن
ما تا
چه حد
بلوچ وبلوچستان خود
را
دوست داريم؟!
وطن يکى
بلوچستان
چراسرزمينم
بلوچستان ؟!!
قاچاقچى مادرزادى
بلوچستانءِ
دريا
(زِر)
شعر / کوران دامني
درياي
بلوچستان
شعري
زيبا از کوران دامني
پھره منى پھراِنت منى
چراگاه مشترک و اجبارى
بلوچى بودنم جرم است
کوران دامني
کشورى بنام سرادان
بلوچ اسرائيلي/
ايراني
و اسرائيل/بلوچ و مرگ بر اسرائيل
طنزي
از
کوران د
امنى
ايرانى
که تھران است
ننگتان باد
کوران
د امنى
يا ھدا تو به/حقيقتي
غيرخودي
اما
طنز آميز
بيا گرين
وتا جُستے
نامه اي آکنده از محبت به کارکنان راديو
بلوچي اف ام
