مُردَگ پرستين کوم

 

رَپتان يک روچى مجلسے

نِشتان مه يک کِرءُ کشے

چمان وتى شانکء ديان

گِندان  اِداں بازيں کسے

اے مجلسے که داشتگنت

په  ياد بودے ھِشتَگنت

ياد مزن نامين کسے

که تحم زبانے کِشتگنت

واه په نصير دردانگين

چه درستن جھانءَ دانگين

گال گوشتگنت شاھانگين

اِيرنت مه تاريخ زانگين

ياں يک دگر روچى پدا

ياد بوتگين روچے ردا

واجه نواب اکبرشھيد

گريوينءُ نالين گوں ھدا

نوں واجھ ھا شرياد کنين

مھرءُ نوازش زيات کنين

ھرکارءُ کِردى آ  کُتَگ

چمے سرا نوں اير کنين

نوں کَمُکے پيش چه رَوگ

پيش چه ھمى زندے گِرَگ

يک بر پدا ياد  بِکَنين

ما چى کُتگ چى گوشتگ ات

واجه کجا  چى  کُرتَگ ات

چى مارِتگ چى بُرتگ ات

راه ءُ رواج چى زورتگ ات

کے راضييت کے نارضا

ھنوں چه بوت چينت قضا

راضيگ ءُ ناراضيگ درو

نون ما دروبژنيگ چيا

وھدى که آ شير زندگ ات

زندے سؤالان چارَگ ات

بازينى ھم شک کرتگ ات

بازينى ھم بد گوشتگ ات

حيران وتا جستء گيراں

پرچى چُشين ما ھر براں

وھدى که دوزواه زندگ انت

گردين ءُ ترين سرسراں

وھدى مِرنت ءُ گار بنت

سک دوستءُ سک دوستداربنت

زارءُ چپانٹانءَ جنين

مجلس کنين ياد کنين

تعريفءُ توصيفان کنين

بازين نگوشتگين گوشين

اے چى نشان انت او بلوچ؟

که مردگ پرستين ما بلوچ

واى په ميٸ کوم بلوچ

پرچه نچارين وھدءُ روچ

وھدى که ھَنگت زندگ انت

يا بانوک انت يا واجه انت

يا سرپدين راه در برانت

يا ريش کماشءُ رھبرانت

عزت کنين ميٸ سرورانت

بى مَٹءُ ھم بى درورانت

زندءَ وفا نيست په کسءَ

روچانءُ سالانءَ گوزنت

روچى جوانان  پير بنت

پير په وتى راه ءَ رونت

اے ھستى ءِ راهءُ درنت

عزت کنين وھدے سرا

وھدءَ بچارين ھر برا

دنيايے کانونءُ گذار

لھتے ببرلھتے بيار

کوران نگوشتگ اے ھبر

ھستى ءِ بنيادءَ بچار

کوران دامنى

 اوت۲۰۰۷

Posted:20070802

--------------------------------------------------------------------------------------------------------------------

چند مقاله و نوشته ديگر از کوران دامني

^{سَنگتانى مَجلِس} 

^{نا تپاکى} 

^{دوتءُ دنگلان}  

اي مادرم , مادر وطن

ما تا چه حد بلوچ وبلوچستان خود را دوست داريم؟!

^{وطن يکى بلوچستان}

 چراسرزمينم بلوچستان ؟!!

قاچاقچى مادرزادى

بلوچستانءِ دريا (زِر)      شعر / کوران دامني

 درياي بلوچستان                         شعري زيبا از کوران دامني

پھره منى پھراِنت منى

^{چراگاه مشترک و اجبارى}

^{بلوچى بودنم جرم است}            کوران دامني

   کشورى بنام سرادان

^{بلوچ اسرائيلي/ ايراني و اسرائيل/بلوچ و مرگ بر اسرائيل   طنزي از  کوران  د امنى}

 ايرانى  که  تھران  است                    

^{ننگتان باد           کوران  د امنى}

^{يا  ھدا  تو به/}ح^{قيقتي غيرخودي اما طنز آميز} 

بيا  گرين وتا  جُستے   

نامه اي آکنده از محبت به کارکنان راديو بلوچي اف ام