راديو بلوچي اف ام منتوارانت چه شما دوروستين عزيزان که گون وتي پر مهرين
ميلان (گپان) وتي پشتيباني و حمايتا چه راديوا پيش داشت...
شمئي اي پر مهرين گپان ،شمئي مهر و محبتا په بلوچي و بلوچيتا پيش داريد.
همي "مهر په بلوچ و بلوچستان" ما و شما را روچ په روچ نزيکتر و نزيکتر کنت.
واجه " رحيم ريسي" راديو بلوچي گون هچپيمين حزب و پارتي و سازماني هور نه
انت و هور نه بيت.
رايو بلوچي اف ام جهد کنت گون شرين تريکييا و البت راستي ردا اي چيزانا
ديما ببارت..
-گپ بلوچي فرهنگ و دودو دابان و تاريخي باروا.
-گپ بلوچي زبان و بلوچي ساز و زيملي باروا.
-گپ و تران گون بلوچي (شاعران ، نبشتکاران ، گوشنديان و سياستکاران) که
انتگت زندگنت
-گپ بيران بيتگين بلوچي(شاعران،نبشتکاران،گوشنديان و سياستکاراني)باروا و
آهاني پچاري خاص په نوکين نسلا.
-نوکين و کهنگين بلوچي ساز وسوتاني شنکاري.
-چکي پروگرام تيارکنگ په بلوچين چکان، چکي کسه،چکي شعر.
-مختلفين علمي و جاندراهي په بلوچي ترينگ بيت و رادوني توکا وانگ بيت-کست
چه اي کار زانتکاري و بلوچي زباني علمي بهرا ديما برگ انت.
-و البت گپ و تران گون بلوچين زانتکاران ،کپتاني (اتفاقاتي) باروا که
بلوچاني درنياما و يا که مه بلوچستانا کپيت.
مئي واهگ انت که گون اي پر خرجين و پر زحمتين کاران بتوانين کسانين کاري په
بلوچي زبانا کرتگ بي.و بزگين بلوچي توارا په دگنياي چار کندا رسينته بي...و
انچوش کسانين خدمتي په بلوچ کوما کرته بي
اگن لهتي چه سنگتان اي چيزا نه مارتگ و اي مئي زحمتانا په بلوچ کوما نزانت
و مئي اي کارا نه منننت ،پرواه نيست انت....وتي لانکا بنديت يک رادوني
"بلوچي" شرترين پاچ کنيت ...گون اي کار شما مزنين کمکي مارا کنيت و الم
شرين کاري په بلوچ و بلوچي زبانا بيت.
واجه "رحيم رئيسي " ترا هم به گشون پر چي هر شش ماه يک رند راديو و راديوي
مردمانا تهمت جنه?
شما مهرباني کنيت ،هرپيمين ثبوتي که شمارا اي درگتا هست انت مه همي گروپي
تها پيش کنيت.وهدي شما وتي ثبوتا پيش کرت گدا شما توانيت ما را مه هر پيمين
دادگاهي که شما لوتيت محکمه کنيت.
-اگن تئي گپان بي ثبوتين و بيبنيادين گپ انت، گدا بزان تو يک شالاتانين و
حسودين مردميه ، و گون آ مردماني که په بلوچي زبان و فرهنگ و اجتماعا کار
کنت ترا دژمني است.
ما را په وتي کارا ايمان هست انت وهچ پيمين گناهي هم ما نه کرتگ..
بلوچي سبز بات.
گون نيکين واهگان.
راديو بلوچي اف ام
